ང་ཡི་ཀ་ཁ་ང་ཡིས་སྦྱང་ཆོག
24/06/2011 22:52ཁྱོད་ནི་བདག་གི་བླ་མ་མ་རེད།།
ང་ནི་ཁྱོད་ཀྱི་བདུད་བྱ་མ་ཡིན།།
ཁྱོད་ཀྱི་ལམ་སྟོན་བདག་ལ་མི་མཁོ།།
ང་ཡི་མདུན་ལམ་ང་ཡིས་བཙལ་ཆོག །
ཁྱོད་ནི་ང་ཡི་དགེ་རྒན་མ་རེད།།
ང་ནི་ཁྱོད་ཀྱི་སློབ་མ་མ་ཡིན།།
ཁྱོད་ཀྱི་སློབ་གསོ་བདག་ལ་མི་མཁོ།།
ང་ཡི་ཀ་ཁ་ང་ཡིས་སྦྱང་ཆོག །
ཁྱོད་ནི་བདག་གི་ཕ་མ་མ་རེད།།
ང་ནི་ཁྱོད་ཀྱི་བུ་ཕྲུག་མ་ཡིན།།
ཁྱོད་ཀྱི་བྱམས་སྐྱོང་བདག་ལ་མི་མཁོ།།
ང་ཡི་མི་ཚེ་ང་ཡིས་སྐྱེད་ཆོག །
ཁྱོད་ནི་བདག་གི་སྐྱབས་གནས་མ་རེད།།
ང་ནི་ཁྱོད་ཀྱི་སློང་མོ་མ་ཡིན།།
ཁྱོད་ཀྱི་འབྱོར་བ་བདག་ལ་མི་མཁོ།།
ང་ཡི་ལྟོགས་སྐོམ་ང་ཡིས་སེལ་ཆོག །
Tags:
———
Back