སེམས་དང་ངོམས་པ། ད་དུང་བརྕེ་བ།
22/07/2014 17:52སེམས་དང་གོམ་པ། ད་དུང་བརྩེ་བ།
འབའ་སྲས།
ཁྱེད་ཉིད་ཁོ་ན་བདག་གིས་བསམ་བཞིན་མེད།།
འོན་ཀྱང་ཁྱེད་ཉིད་ཁོ་ན་སེམས་སུ་འཕོས།།
བདག་གི་སེམས་ལ་བདག་པོ་གཅིག་ཡོད་ན།།
དེ་ནི་མ་གསུངས་ཁྱེད་ཉིད་ཡིན་པ་ཤེས།།
མི་ཡི་རྟོག་པ་བསམ་པར་མཐའ་མེད་ཀྱང་།།
བརྩེ་དུང་རྒྱ་རུ་ཚུད་ན་མཐའ་ཡོད་འདྲ།།
ཁོ་བོ་གང་ལ་མི་ཐོགས་འགྲོ་འདོད་ཀྱང་།།
བགྲོད་པའི་གོམ་པ་ཁྱེད་ཀྱི་མདུན་ལ་ཐོགས།།
རྒྱང་རིང་རྒྱང་རིང་དེ་ནི་བགྲོད་ལམ་མིན།།
ཐག་ཉེ་ཐག་ཉེ་དེ་ཡང་འདུག་གནས་མིན།།
ཁྱེད་ནི་རྒྱང་དུ་བྲོས་ན་བདག་གི་ལམ།།
ཁྱེད་ནི་མདུན་དུ་བསྡད་ན་བདག་གི་གནས།།
གང་ལྟར་ཁྱོད་ཀྱི་ལམ་དེ་ང་ཡི་ལམ།།
ཁྱོད་ཀྱི་སྡོད་གནས་དེ་ཡང་ང་ཡི་ཡུལ།།
ཁྱེད་དང་ང་ཡི་ཚེ་སྲོག་མི་འདྲ་ཡང་།།
འཚོ་བའི་སྣེ་མོའི་མདུད་པ་གཅིག་པར་ངེས།།
མདུད་པ་འདི་ཡང་ཐག་སྣེ་གཉིས་ཀྱིས་གྲུབ།།
མདུད་པ་འདི་ཡིས་བདག་ཉིད་དམ་དུ་བཅུག །
མདུད་པ་འདི་ཙམ་གཅོད་པའི་རལ་གྲི་ཞིག །
བདག་ལ་མེད་པས་ཁྱེད་ཉིད་གང་གིས་དོར།།
༢༣/༠༡/༡༤ ཕྱི་དྲོར།
Sent from my iPhone
———
Backཞར་བཀོད་ལེ་ཚན།
———
———
འབྲེལ་གཏུག
ངོ་དེབ། ཁ་སྒང་བསམ་གཏན།
གནམ་ཐིག འབའ་སྲས།
ཁ་པར། ༠༠༣༣༧༨༦༤༡༢༤༢༤
>>
———
———
གཞས་ར་ཁྲ་མོ།
སེམས་ཀྱི་རེ་སྨོན།
ངའི་བླ་མའི་དགུང་ལོ་ཇེ་བགྲེས་རེད།།
ང་བླ་མ་དད་པ་ཇེ་ཆེ་རེད།།
ངའི་རྩ་བའི་བླ་མ་ཐུགས་རྗེ་ཅན།།
སྐུ་ཡུན་རིང་བཞུགས་པའི་སྨོན་ལམ་འདེབས།།
ངའི་མ་ལོའི་སྐྲ་ལོ་ཇེ་དཀར་རེད།།
ང་མ་ལོར་དུངས་བ་ཇེ་ཆེ་རེད།།
ངའི་དྲིན་ཆེན་མ་ལོ་བཀའ་དྲིན་ཅན།།
སྐུ་ཡུན་རིང་བཞུ
>>
———