གྱེར་འདོན་དོ་ར་ལེགས། མུ་མཐུད་དུ་ཁ་སྣོན་བྱོས་ཨ།

སེམས་ཀྱི་ལྷན་པ།


གོམ་ཁ་རྒྱང་ལ་བཞུད་པའི་ཁྱོད་ཞལ་མ་མཐོང་།།
ཡུན་རིང་དྲན་པའི་ཟས་ཀྱི་བྲོ་བ་ཡལ་སོང་།།
ཡང་སྐྱར་མཇལ་ན་བསམ་པའི་སེམས་ཀྱི་རེ་སྒུག།
རྨི་ལམ་ནང་དུ་སླེབས་པ་གྲངས་ལས་མ་འདས།།

ཁྱེད་ལ་དུངས་ཀྱང་བརྩེ་བ་གཞན་གྱིས་འཕྲོག་སོང་།།
མིག་ཆུ་བཞུར་བ་དམར་པོ་ཁྲག་ལ་འདྲེས་སོང་།།
ལས་ལ་བཅོལ་ཡང་སྙིང་གཏམ་བརྗོད་ཁོམ་བྲལ་བ།།
སུ་དང་གང་གིས་ངེད་གཉིས་བར་ཆད་བཟོས་ཡིན།།

ཡོད་ཚད་དཀོན་མཆོག་བཅོལ་ཡང་འདོད་དོན་མ་འགྲུབ།།
བདེན་པ་མེ་ལ་བརྡར་ནས་སེམས་རྩ་འབར་ཡང་།།
སྟོན་རླུང་དལ་གྱིས་ལྡང་འདྲའི་རྒྱབ་དཔང་དེ་དག།།
རི་བོང་ཅལ་གྱིས་འདྲོགས་པའི་ལོ་རྒྱུས་དྲན་ཐལ།།

ཁྱེད་ལ་ཐུགས་ཀྱང་བརྗོད་པའི་སྙིང་གཏམ་དབེན་པའི།།
ཞལ་རས་དམར་པོར་གྱུར་ནས་ཧད་ཏེ་ལུས་སོང་།།
དྲན་པའི་སྡུག་བསྔལ་ཕྱི་ཡིས་གདོང་ལ་མངོན་ནས།།
འདས་སོང་ལོ་ཟླ་མང་པོ་ཕར་ལ་བསྐྱལ་སོང་།། མུན་སེལ་ནས།༢༠༡༣་༠༣་༠༧

ང་རང་དུས་རྒྱུན་དུ་ཁྱེད་རང་གི་དྲ་ཚིགས་འདིར་སླེབས་ཐུབ་ཀྱི་མི་འདུག་ཡ།ང་རང་ཉིད་ནས་སྙན་ངག་ཅིག་འབྲི་འདོད་ཡོད་ཀྱང་་་་་་་

tashi deklek

བདེ་ཆེན་སྒྲོལ་མ་ད་བར་དུ་གང་ནས་ལྷག་སོང་། ངའི་སྙན་ངག་དག་གིས་ཁྱེད་ལ་སྒུག་ནས་བསྡད་ཡོད།

རྒན་ལགས་ཀྱི་སྙན་ངག་གི་གླིང་ཁ་འདི་དེ་རིང་གཞི་ནས་མཐོང་སོང་། སྙན་ངག་རེ་ཟུང་བཀླགས་པས་སེམས་པ་ལྷོད་ལ་བབས་སོང་། རྗེས་སུ་མང་ཙམ་ཡོང་གི་ཡིན།

ཁྱེད་ཀྱི་སྙན་ངག་གི་གྲོང་ཁྱེར་དེར་རྒྱུན་དུ་ཉུལ་ཀི་ཡོད།
ངོ་མ་དོན་སྙིང་ཡོད་ཁི

སྙན་ངག་གི་ཚིག་འབྲུ་རེ་རེ་དང་གདངས་ཀྱི་ང་རོ་རེ་རེས་ང་ངུ་ཁ་བསླངས་སོང་།

རྒན་ལ་བཀྲ་ཤིས་བདེ་ལེགས་ཞུ་བ་དང་ཆབ་ཅིག འདི་ཚོའི་རིགས་ཚུར་འཐེན་རྒྱུ་ཡོད་ན་ཡག་པོ་འདུག་བསམ་བྱུང་། རྗེས་མར་མཇལ་ཡོང་།

བཀྲ་ཤིས་བདེ་ལེགས་ཞུ།