Topic: ན་ཆུང་རྩེད་ར།
Date | 12/11/2012 |
---|---|
By | སོག་མདའ |
Subject | སྐུ་བདེ |
སྟོད་རྫ་ལུང་རྐེད་ན་སྤྱང་མོ་ཆ་གཅིག།
ལུས་འདུར་རྒྱུགས་རྔ་མ་ཐུར་ལ་འདྲུད་བཞིན
ཤ་དམར་པོ་ཟ་འདོད་མིད་པ་འགུལ་ནས།
ལུག་དཀར་ཆུང་འབབ་སྒྲ་རྣ་བའི་འཚོལ་ཁུ།
བར་སྨུག་ལུང་རྫ་ན་ཡུ་མོ་ཆ་གཅིག།
སྣ་ཀྲོང་ཀྲོང་བསིལ་རྩྭ་མུར་མུར་བྱེད་བཞིན།
ཕྱོགས་ཡར་མར་ཁྲ་ཆུང་རིག་རིག་ངང་ནས།
དགྲ་གཤེད་མ་གར་ཡོང་མིག་གི་འཚོལ་ཁུ།
སྡེ་ཆེན་པོའི་དྲུང་ན་རོགས་ལོ་ཆ་གཅིག།
དགོང་ས་རྩ་རིག་དུས་ཉལ་ས་མཉམ་གཅིག།
ནངས་སྐྱ་རེངས་ཤར་དུས་སྐེ་རགས་མཉམ་བཅིངས།
ཁྱིམ་བཟའ་ཚང་ཟེར་ནོ་སེམས་ཀྱི་འཚོལ་ཁུ།
———
Back