ཚེ་སྲོག་གི་མཆོད་མེ།

བཙན་པོའི་སྙིང་སྟོབས་ལས་འཁྲུངས་པའི།
ང་ཡི་གཅེན་པོ།
དམར་བོའི་མེ་དཔུང་གི་དཀྱིལ་ནས།
རྒྱ་ནག་པའི་སྒོ་དྲུང་བརྡུང་བཞིན།
ཚེ་སྲོག་མཆོད་མེ་ལ་བསྒྲོན་སོང་།
ཨོཾ་མ་ཎི་པདྨོའི་ཧོུཾ། ་་་ ་་་

ཁྱེད་ནི་ལོ་རྒྱུས་ཀྱི་རྡོ་རིང་།
ཁྱེད་ནི་རྟག་བརྟན་གྱི་ཉི་མ།
བོད་རྒྱལ་ལོ། ་་་ ་་་


མི་རིགས་ཀྱི་རྣམ་ཤེས་སྦྲུམ་པའི། 
ང་ཡི་གཅུང་མོ།
དམར་བོའི་མེ་དཔུང་གི་དཀྱིལ་ནས།
བོད་སྐྱོབས་ཀྱི་སྐད་འབོད་སྒྲོག་བཞིན།
ཚེ་སྲོག་མཆོད་མེ་ལ་བསྒྲོན་སོང་།
ཨོཾ་མ་ཎི་པདྨོའི་ཧོུཾ། ་་་ ་་་

ཁྱེད་ནི་བདེན་དོན་གྱི་དཔང་ཡིག 
ཁྱེད་ནི་ཡལ་མེད་མཆོད་མེ།
བོད་རྒྱལ་ལོ། ་་་ ་་་