སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།

སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།

འབའ་སྲས།

འགྲོ་བའི་སྡུག་བསྔལ་ཆུ་ཡིས་མི་དག་ཅིང་།།

སེམས་ཀྱི་འབྱོར་བ་དངོས་པོས་མི་སྟེར་ལ།།

སྟོན་པ་ཐུགས་རྗེ་ཅན་ཁྱོད་གུས་པ་ཡིས།།

སྡུག་བསྔལ་སེལ་ཞིང་སེམས་ཀྱི་འབྱོར་བ་རྒྱས།།

ཨེ་མ་ཁྱོད་ནི་ཞི་བདེ་ལྷ་ཡི་གཙོ།།

ཀྱེ་མ་ཁྱོད་ནི་འགྲོ་ཡི་མགོན་པོ་མཆོག །

གནའ་ནས་དེ་རིང་ཁྱོད་ལ་དད་པ་རྣམས།།

ཞི་བདེས་འཚོ་ཞིང་སེམས་ལ་མྱ་ངན་མེད།།

སྟོན་པ་འགའ་ནི་རལ་གྲི་འཛིན་པ་ཅན།།

སྟོན་པ་འགའ་ཡང་ལོག་ལམ་སྟོན་པ་པོ།།

རལ་གྲི་མི་འཕྱར་ལོག་ལམ་མི་སྟོན་པ།།

བདག་གི་སྟོན་པ་སྟོན་པ་ཀུན་ལས་མཆོག །

ཁྱོད་ནི་ས་གཞི་ཡིན་ལ་ནམ་མཁའ་ཡིན།།

ཁྱོད་ནི་རི་བོ་ཡིན་ལ་རྒྱ་མཚོ་ཡིན།།

ཁྱོད་ནི་འོད་ཟེར་ཡིན་ལ་སྒྲོན་མེ་ཡིན།།

ཁྱོད་ནི་མེད་ཚེ་འཇིག་རྟེན་སྔོན་ནས་འཇིག །

དེ་རིང་ཉིན་མོ་བཞི་བའི་བཅོ་ལྔ་སྟེ།།

ཁྱོད་ནི་བྱོན་དང་སངས་པ་འདས་པའི་ཉིན།།

ཁྱོད་ཀྱི་ཞབས་རིས་ཇི་ལྟར་ཕབ་བ་རྣམས།།

ཐམས་ཅད་རྐང་རྗེས་དེ་ལས་མི་འདའ་ཤོག །

བོད་ཟླ་བཞི་བའི་ཚེས་བཅོ་ལྔའི་ཉིན་དད་པ་ཡ་མཚན་ཞིག་སྐྱེས་པས་སྦྱར།