སྡོང་བོ།

                  སྡོང་བོ།

འབའ་སྲས།

རང་བྱུང་ཁམས་ན་མཛེས་པའི་མེ་ཏོག་དང་།།

ས་རྡོ་རི་བྲག་ཆུ་ཆེན་མཚེའུ་སོགས།།

ཉམས་དགའི་སྣང་བ་སྟེར་བྱེད་མང་གྱུར་ཀྱང་།།

བདག་གིས་སྡོང་བོ་ཁྱོད་ནི་མཆོག་ཏུ་ལྟ།།

ཁྱོད་ཀྱི་རྩ་བ་བསྒུལ་བར་མ་གྱུར་ན།།

ལོ་མ་རླུང་གིས་ཟགས་ཤིང་ཁུར་ན་ཡང་།།

དཔྱིད་ཀྱི་དུས་སུ་སླར་ཡང་འཛུམ་བྱེད་པས།།

བདག་གི་སེམས་སུ་མྱ་ངན་ཡོད་མི་འགྱུར།།

འོན་ཀྱང་ལོ་རིང་རྒྱས་ཤིང་སྦོམ་གྱུར་པའི།།

རྩ་བ་རུལ་ཞིང་གཞན་གྱིས་འགྱེལ་བྱེད་ན།།

ཁྱོད་ནི་མཆོག་ཏུ་འཛིན་པའི་བྱི་འུ་ངས།།

ད་ནི་གང་ཞིག་འབབ་སའི་སྟེགས་སུ་ལེན།།

ཁྱོད་ནི་ཡོད་པས་ཁ་དབུགས་གཙང་ཞིང་

འཇམ།།

ཁྱོད་ནི་ཡོད་པས་ཆུ་བོ་དྭངས་ཤིང་ཞིམ།།

ཁྱོད་ནི་ཡོད་པས་ས་གཞི་མཛེས་པར་གྱུར།།

ཁྱོད་ནི་བདག་གི་སྐྱེད་མོས་ཚལ་ཁོ་ན།།

༡༠/༡༢/༡༣