ཟིན་བྲིས་པ།

དངོས་མིང་བསམ་གཏན་རྒྱ་མཚོ་དང་། སྙུག་མིང་འབའ་སྲས། མདོ་སྨད་མཚོ་སྔོན་གྱི་ཆར་གཏོགས་འབའ་ཁ་སྒང་ཞེས་པའི་གྲོང་སྡེ་རུ་སྐྱེས། རང་ལོ་དགུ་བ་ཙམ་ནས་གྲོང་པའི་སློབ་གྲྭ་དང་རིམ་པས་གྲྭ་བའི་ཆོས་ར་ཡང་འགྲིམས་ མྱོང་ལ། ལོ་རབས་དགུ་བཅུ་བའི་ལོ་སྟོད་དུ་རྒྱ་གར་ལ་བཙན་བྱོལ་དུ་འབྱོར་ཞིང་། སྔ་རྗེས་སུ་བཙུན་མའི་དགོན་པ་དང་། གསར་འབྱོར་བའི་སློབ་གྲྭ་རུ་ལོ་ངོ་བརྒྱད་ཙམ་རིང་སུམ་རྟགས་སྙན་གསུམ་གཙོས་བོད་ སྐད་ཡིག་གི་དགེ་རྒན་བྱས་མྱོང་། དེའི་རིང་དུ་༼སྐྱིད་སྣང་མེད་པའི་འཚོ་བ་༽ཞེས་པའི་སྙན་རྩོམ་དེབ་ཅིག་དང་། ༼སྙན་ངག་གི་བསྟན་བཅོས་ཆེན་མོ་མེ་ལོང་མ་ལས་བྱུང་བའི་རྒྱན་གྱི་དབྱེ་འབྱེད་ དང་། དཔེར་བརྗོད་ཀྱི་དོགས་སློང་ཟིན་བྲིས་སུ་བཀོད་པ་བློ་གསར་འཇུག་བདེ༽ཞེས་པའི་ སྙན་གཞུང་དཔྱད་བརྗོད་ཀྱི་དེབ་ཅིག་དང་།སྙན་ངག་གི་གྲོང་ཁྱེར་ཞེས་པའི་སྙན་དེབ་གཅིག་བཅས་དེབ་གསུམ་བཏོན་ཟིན་ལ། མི་རིང་བར་སླར་ཡང་སྙན་རྩོམ་གྱི་དེབ་ཅིག་དཔར་འཆར་ཡོད། ད་ལྟ་ཧྥ་རན་སིའི་རྒྱལ་ས་ཕ་རི་སི་ནང་ཡང་བྱོལ་གྱི་མིང་འོག་ནས་གནས་སྡོད་བྱེད་ བཞིན་ཡོད་ཅིང་། མུ་མཐུད་དུ་རང་དབང་གིས་སྙན་ངག་འབྲི་བར་མཚམས་འཇོག་འདོད་མེད་པ་དེའོ།།