ངེད་ཀྱི་སྐོར།
ཟིན་བྲིས་པ།
———
ངེད་ཀྱི་སྐོར།
Date | 19/10/2012 |
---|---|
By | འབའ་སྲས། |
Subject | Re: སེམས་སུ་སྦི་རག་དཀར་ཡོལ་གང་འཐུང་བ་ལྟ་བུའི་སྤྲོ་སྣང་ཞིག་འཕྱུར། |
སྟག་རྒོད་པོ་ངའི་སྙན་ངག་གི་གྲོང་ཁྱེར་དུ་ཕེབས་པར་དགའ་བསུ་ཞུ། ཡིན་ཡང་། གྲོང་ཁྱེར་འདིར་སྟག་རྒོད་ཅིག་ལ་དགོས་ངེས་ཤིག་ཡོད་མེད་མི་ཤེས།
———
Date | 07/10/2012 |
---|---|
By | འཇིགས་མེད། |
Subject | གསལ་འདེབས། |
སྦྲ་དུངས་སེམས།
རྨ་ཆུ།
ཁྱོད་སུ་ཞིག་གིས་མི་ཡུལ་དུ་བསྐྲུན་པ་ཡིན།
ཁྱོད་མི་ཡུལ་ལ་ཐོན་ནས་ལོ་རྒྱུས་ག་ཙམ་ཡོད།
རྨ་ཆུ།
ཁྱོད་བཞུར་ཐག་གི་ལེ་བར་ཇི་ལྟར་རིང་།
རྨ་ཆུ།
གང་ལྟར།
ངས་ཁྱོད་ལ་འདྲི་འདོད་ཀྱི་དྲི་བ་མང་བོ་ཞིག་ཡོད།
རྨ་ཆུ།
དེ་རིང་ཁྱོད་ཀྱི་ངོགས་འགྲམ་ནས།
ངས་སྙན་ངག་གྱེར་ན་འདོད།
ཁྱོད་ཀྱི་ངོགས་འགྲམ་ནས།
ངས་སྙན་ངག་གི་བརྗོད་བྱ་འཚོལ་ན་འདོད།
ཁྱོད་ཀྱི་ངོགས་འགྲམ་ནས།
གང་ལྟར་་་་་་་་་་་་་་
རྨ་ཆུ།
ཁྱོད་ཀྱི་རྦ་རླབས་དེས།
ལན་རེ་ང་ལ་འཚམས་འདྲི་བྱས་པ་དང་འདྲ།
ལན་རེ་མི་ཡུལ་དང་བྲལ་འདོད་ན།
ངས་རྗེས་སུ་ཤོག་ཟེར་བ་དང་མཚུངས།
འོན་ཀྱང་།
དེ་རིང་ཁྱོད་ཀྱིས་ང་ལ་སྟེར་བ་ནི།
བརྗོད་བྱ་མི་མཛེས་པའི་སྙན་ངག་ཡིན།
སེམས་པ་མུན་ནག་ལ་བསྐྱལ་བའི་སྐྱོ་གདུང་ཡིན།
ཞལ་ངོ་མི་མཛེས་པའི་ཁྲོ་ཉམས་ཡིན།
༢༠༡༢་༥་༢༧ཉིན་ཚེར་ནགས་སྡེ་བ་ཞེས་པའི་རོང་ཁྱིམ་ཞིག་ཏུ་བྲིས།
རྩོམ་ཡོངས་ཀློག་པ།(56) | ལན་སློག(0)
———
Date | 11/10/2012 |
---|---|
By | འབའ་སྲས། |
Subject | Re: གསལ་འདེབས། |
འཇིགས་མེད་ལགས་ཕེབས་ཏེ་བདག་གི་དྲ་ངོས་སུ་མཆན་རྩོམ་སྤེལ་བར་དགའ་བསུ་ཞུ།
———
Date | 13/07/2012 |
---|---|
By | གངས་ཕྲུག་ཚེ་རིང་ |
Subject | རྟེན་འབྲིལ་ཞུ། |
རྒན་ལགས་ཀྱི་སྙན་ངག་ཆེས་སྙན་པོ་འདུག་ལ་
ང་རང་ཡང་འདི་ལྟར་བྲིས་ཐུབ་པའི་འབད་བརྩོནབྲེད་ཀྱིན་ཡིན་པས།
རྒན་ལགས་ཀྱི་ལམ་སྟོན་མང་ཙམ་གནང་རོགས།
———
Date | 15/07/2012 |
---|---|
By | འབའ་སྲས། |
Subject | Re: རྟེན་འབྲིལ་ཞུ། |
གངས་ཕྲུག་ཚེ་རིང་ལགས། ངའི་དྲ་ངོས་སུ་ཕེབས་པར་དགའ་བསུ་ཞུ། སྤྱིར་སྙན་ངག་པ་ཞིག་བྱ་འདོད་ན། ཐོག་མར་སྙན་ངག་གི་བསྟན་བཅོས་ཁག་ལ་སྦྱང་རྒྱུ་དང་། དེ་ནས་ཕུལ་བྱུང་སྙན་ངག་ཁག་བཀླག་དགོས། དཔེར་ན། རཱ་མ་ཎའི་རྟོགས་བརྗོད་དང་། སྤྲིན་གྱི་ཕོ་ཉ་ལྟ་བུ་ཀློགས། རིམ་པས་རང་གིས་སྙན་ངག་མང་ཙམ་འབྲི་རྒྱུར་འབད་དགོས། ཉུང་མཐའ་ལ་ཡང་གཟའ་འཁོར་རེར་སྙན་ངག་གཅིག་རེ་འབྲི་དགོས། དེ་དག་ཡང་ནས་ཡང་དུ་བསྐྱར་བཅོས་བྱ་དགོས། འདི་དག་ནི་རང་ཉིད་སྙན་ངག་པ་ཞིག་བྱ་ཐུབ་པའི་ཆ་རྐྱེན་དང་པོ་ཡིན། དེ་ལྟར་དུས་ཡུན་གང་མཚམས་ཤིག་ཕྱིན་རྗེས་སྙན་ངག་འབྲི་རྒྱུར་དཀའ་ངལ་མེད་ལ། གང་བྲིས་པ་དེ་ལ་བསྐྱར་བཅོས་ཀྱང་བྱེད་མི་དགོས་པའི་དུས་ཤིག་ལ་བསླེབ་ཐུབ། དེ་དུས་ཁྱེད་རང་སྙན་ངག་པ་ཞིག་ཏུ་གྱུར་ཟིན་པ་ཡིན།
———
Date | 18/05/2012 |
---|---|
By | བློ་བཟང་སྦྱིན་པ་ནས |
Subject | བཀྲ་ཤིས་བདེ་ལེགས་ཡོད།། |
དགའ་སྤྲོའི་ངང་ནས་ཕེབས་བསུ་ཞུ་བ་དང་བཀྲ་ཤིས་བདེ་ལེགས་ཡོད་ལགས།།
———
Date | 05/04/2012 |
---|---|
By | Tashi druk drak |
Subject | Tsod ta |
Hihhihihihihihihihihihihi
———
Date | 17/12/2011 |
---|---|
By | འཚམས་འདྲི་ཞུ། |
Subject | རྒན་ལགས། |
རྒན་ལགས་ཁྱེད་ནི་ས་ཕྱོགས་གང་སུ་ཕེབས་ཀྱང་རང་མི་རིགས་ཀྱི་སྐད་དང་རིག་གཞུང་ལ་དུང་བ་ཟབ་མོ་འདི་འདྲ་ཡོད་པ་ང་ཧ་ལས་སོང་།
———
Date | 10/07/2011 |
---|---|
By | འབའ་སྲས། |
Subject | བྱོན་པ་ལེགས། |
སྙན་ངག་པ་ཐེ་བོ་ཤེས་རབ་རྒྱ་མཚོ་ལགས། ངའི་སྙན་ངག་གི་གྲོང་ཁྱེར་དུ་ཕེབས་པར་དགའ་བསུ་ཞུ། སླད་ནས་ཡང་ཡང་ཕེབས་ཏེ་ལེགས་བསྟོད་ཉེས་འགོག་གི་གསུང་བཤད་རེ་གནང་རོགས།
———
Date | 10/07/2011 |
---|---|
By | ཐེ་བོ་ཤེས་རབ་རྒྱ་མཚོ། |
Subject | རྟེན་འབྲེ་ཞུ། |
སྐུ་ཉིད་ཀྱིས་རྩོམ་རིག་གི་ཞིང་ཁམས་སུ་འབོད་པའི་ས་ཧྥ་རན་སི་ནས་སྙན་ངག་གི་གྲོང་ཁྱེར་ཞིག་འཛུགས་སྐྲུན་བྱས་པར་ཞེ་ཐག་པ་ནས་རྟེན་འབྲེལ་ཞུ།